ഇംഗ്ലണ്ടിനെതിരായ രണ്ടാം ടെസ്റ്റിൽ ഇന്ത്യയ്ക്ക് ത്രസിപ്പിക്കുന്ന വിജയം : പരമ്പര 1-1ന്.

വിശാഖപട്ടണത്ത് നടന്ന മത്സരത്തിൽ ഇന്ത്യയുടെ വിജയം 106 റൺസിന് ,ഇതോടെ അഞ്ച് മത്സരങ്ങളുടെ ടെസ്റ്റ് പരമ്പര 1-1 ന് സമനിലയിലാക്കി. രണ്ട് സെഷനുകളിലും വ്യത്യസ്‌ത തന്ത്രങ്ങളുമായി ഇംഗ്ലണ്ട് ബാറ്റ് ചെയ്തപ്പോൾ നിർണായക നിമിഷങ്ങൾക്ക് സാക്ഷ്യം വഹിച്ചു.

ആദ്യ സെഷൻ സന്ദർശകരിൽ നിന്ന് ആക്രമണാത്മക സമീപനമുണ്ടായപ്പോൾ അവസാനം നിർണായക വിക്കറ്റുകൾ വീഴ്ത്തി ഇന്ത്യ തിരിച്ചടിച്ചു. ക്യാപ്റ്റൻ ബെൻ സ്‌റ്റോക്‌സും, ബെൻ ഫോക്‌സും രണ്ടാം സെഷനിൽ നിലയുറപ്പിക്കാൻ ശ്രമിച്ചെങ്കിലും ശ്രേയസ് അയ്യരുടെ ഉജ്ജ്വലമായ നേരിട്ടുള്ള ഹിറ്റിന് സ്റ്റോക്‌സ് ഇരയായി.

നേരത്തെ, ഉച്ചഭക്ഷണത്തിന് തൊട്ടുമുമ്പ് 132 പന്തിൽ 73 റൺസ് നേടിയ സാക്ക് ക്രാളിയെ കുൽദീപ് യാദവ് പുറത്താക്കി. ജോണി ബെയർസ്റ്റോയുടെ വിക്കറ്റ് ബുംറ നേടിയതോടെ ഇന്ത്യ നില കൂടുതൽ ശക്തിപ്പെടുത്തി. ഒല്ലി പോപ്പും ക്രാളിയും തമ്മിലുള്ള കൂട്ടുകെട്ട് തകർത്ത് അശ്വിൻ നിർണായക വിക്കറ്റ് നേടി.

നൈറ്റ് വാച്ച്മാൻ റെഹാൻ അഹമ്മദിനെ പുറത്താക്കി അക്‌സർ പട്ടേൽ ആദ്യ വിക്കറ്റ് സ്വന്തമാക്കി. ക്രാളിയാകട്ടെ, ആദ്യ സെഷൻ്റെ ആദ്യഘട്ടത്തിൽ പോപ്പിനൊപ്പം ആധിപത്യം പുലർത്തി, അർധസെഞ്ചുറി പിന്നിട്ടു. എന്നാൽ നിർണായക സമയങ്ങളില്ലാം ഇന്ത്യ വിക്കറ്റുകൾ നേടിക്കൊണ്ടിരുന്നു.

ഈ വിജയത്തോടെ പരമ്പര 1-1 എന്ന നിലയിലായി.മൂന്നാം ടെസ്റ്റ് ഫെബ്രുവരി 15 നു രാജ്‌കോട്ടിലാണ്.