ഇന്ത്യൻ ടെലികോം വിപണിയിലെ മത്സരത്തിൽ രാജ്യത്തെ ഏറ്റവും വലിയ ഓപ്പറേറ്ററായ റിലയൻസ് ജിയോ 2023 ഒക്ടോബറിൽ 31.59 ലക്ഷം മൊബൈൽ ഉപയോക്താക്കളെ ചേർത്തുകൊണ്ട് ആധിപത്യം ഉറപ്പിച്ചു.ഭാരതി എയർടെൽ ഈ കാലയളവിൽ 3.52 ലക്ഷം വരിക്കാരുടെ നേട്ടം റിപ്പോർട്ട് ചെയ്തു.ഒക്ടോബറിൽ 20.44 ലക്ഷം വയർലെസ് ഉപയോക്താക്കളെ നഷ്ടപ്പെട്ട വോഡഫോൺ ഐഡിയ കൂടുതൽ തിരിച്ചടി നേരിട്ടു.
ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) അതിന്റെ പ്രതിമാസ വരിക്കാരുടെ ഡാറ്റ പുറത്തുവിട്ടു.സജീവ വരിക്കാരുടെ എണ്ണത്തിൽ 14 ലക്ഷം ഇടിവ് രേഖപ്പെടുത്തി.
ഒക്‌ടോബർ അവസാനത്തോടെ രാജ്യത്തെ മൊത്തം വയർലെസ് വരിക്കാരുടെ എണ്ണം 115 കോടിയിലെത്തി. പ്രതിമാസ വളർച്ച 0.07 ശതമാനമാണ്. റിലയൻസ് ജിയോയുടെ മികച്ച പ്രകടനം അതിന്റെ മൊത്തം വയർലെസ് വരിക്കാരുടെ എണ്ണം 45.23 കോടിയായി വർധിപ്പിച്ചു. അതേസമയം ഭാരതി എയർടെല്ലിന്റെ ഉപയോക്താക്കളുടെ എണ്ണം ഒക്ടോബറിൽ 37.81 കോടിയായി ഉയർന്നു.