പുതിയ സാങ്കേതികവിദ്യയുമായി രംഗത്തെത്തിയിരിക്കുകയാണ് ഗൂഗിൾ.
ഇന്റര്‍നെറ്റില്‍ വിവരങ്ങള്‍ തിരയുന്നതിന് സെർച്ചിൽ ആണ് പുതിയ സാങ്കേതികവിദ്യ ഒരുക്കിയിരിക്കുന്നത്. സര്ക്കിള് ടു സെര്ച്ച് എന്ന ഫീച്ചറാണ് ഇത്. ഇത് നിലവില്‍ പിക്സല്‍ 8 സീരിസിലും, സാംസങ് ഗ്യാലക്സി എസ്24 സീരിസിലും മാത്രമാണ് ലഭ്യമാക്കിയിരിക്കുന്നത്.
ഒരു ചിത്രത്തില്‍ കാണുന്ന ബ്രാന്‍ഡിന്റെയോ ചിത്രത്തിലെ മറ്റു വിവരങ്ങള്‍ക്കായോ അല്ലെങ്കില്‍ ആ ചിത്രത്തിന് സമാനമായ മറ്റു ചിത്രങ്ങള്‍ക്കായും ഇനി ഒരു വട്ടം വരച്ചാല്‍ മതിയാകും. അതായത് ഏതെങ്കിലുമൊരു വ്യക്തിയുടെ ചിത്രത്തില്‍ നിന്ന് വാച്ച്, ഷര്‍ട്ട്, ഷൂ എന്നിവയുടെ വിവരങ്ങള്‍ അറിയണമെന്നുണ്ടെങ്കില്‍ അതിന് ചുറ്റും ഒരു വട്ടം വരച്ചാല്‍ മാത്രം മതി. ഗൂഗിള്‍ ലെന്‍സിന് സമാനമായി തോന്നാമെങ്കിലും ഈ ഫീച്ചര്‍ നമ്മള്‍ തെരഞ്ഞെടുക്കുന്ന അല്ലെങ്കില്‍ വട്ടം വരയ്ക്കുന്നതിന് മാത്രമാരും സെര്ച്ച് റിസള്‍ട്ട് നല്‍കുക.
ഒരു ആപ്പിനു പുറത്തെത്തി മറ്റൊരു ആപ്പില്‍ സെര്ച്ച് ചെയ്യേണ്ട സാഹചര്യമാണ് സര്ക്കിള് ടു സേര്‍ച് ഇല്ലാതാക്കുന്നു. സ്‌ക്രീന്‍ ഷോട്ട് എടുത്ത് സേര്‍ച്ച് നടത്തുന്ന രീതിയും ഒഴിവാക്കാന്‍ കഴിയും. ഗൂഗിള്‍ ആപ്പ് ആണ് ഈ സെര്ച്ച് രീതിയ്ക്ക് അടിസ്ഥാനാമായി പ്രവര്‍ത്തിക്കുന്നത്. ആന്‍ഡ്രോയിഡ് ഫോണുകളിലാണ് സര്ക്കിള് ടു സെര്ച്ച് ഫീച്ചറുള്ളത്..